CSS Urdu Literature Past Paper 2025

فیض کی شاعری میں جذبہ اور نظریہ دونوں موجود ہیں۔ ڈاکٹر انور سدید کے اس خیال کی روشنی میں دستِ صبا کا تجزیاتی مطالعہ پیش کیجیے ۔

یا

ناصرکاظمی نے عصری و ملکی حالات کی سنگینی کو میر کے پُرسوز اور دھیمے لہجے میں پیش کیا۔ دلائل سے وضاحت کیجیے ۔

یا

’’ہم عہد یوسفی میں جی رہے ہیں‘‘ اس بیان کی روشنی میں مشتاق احمد یوسفی کے فنِ طنز و مزاح سے آگاہ کیجیے ۔

ایک نہیں دو گالیاں____ بار بار دو گالیاں جو سیٹھ نے بالکل پان کی پیک کی مانند اپنے منہ سے اگل دی تھیں ۔ اس کے کانوں کے پاس زہریلی بھڑوں کی طرح بھنبھنانا شروع کر دیتی تھیں۔ اور وہ سخت بے چین ہو جاتا تھا وہ کیسے ۔۔۔ اس ۔۔۔ اس کی سمجھ میں نہیں آتا تھا کہ اس گڑبڑ کا نام کیا رکھے جو اس کے دل میں اور دماغ میں ان گالیوں نے مچا رکھی تھی۔ وہ کیسے اس تپ کو دور کر سکتا تھا۔۔۔ اس کا دماغ تو اس وقت ایک ایسا اکھاڑا بنا ہو اتھا جس میں بہت سے پہلوان کشتی لڑ رہے ہوں جو خیال بھی وہاں پیدا ہوتا کسی دوسرے خیال سے جو پہلے ہی سے وہاں موجود ہوتا بھڑ جاتا او روہ کچھ سوچ نہ سکتا۔

یا

والئی ریاست اپنے علاقہ کا حاکم با اختیار ہے۔ سیاہ وسفید کا مالک ہے لیکن اس کے ساتھ ایک ایسی پچ لگی ہوتی ہے جس کے سامنے سارے اختیارات دھرے رہ جاتے ہیں۔ یہ ایک عجیب و غریب شخص ہوتا ہے۔ نہ صاحبِ اختیار، نہ صاحبِ جاہ و منصب، نہ غیر معمولی قابلیت اور ذہانت رکھتا ہے لیکن سب کچھ سمجھا جاتا ہے اور سب کچھ کر گزرتا ہے۔ یہ رزیڈنٹ بہادر ہیں، راج پاٹ تو حضور کا ہے لیکن کنکوے کی ڈور ’’صاحب عالی شان بہادر‘‘ کے ہاتھ میں ہوتی ہے۔ یہاں بڑے بڑے مدعیوں کے دعوے باطل ہو جاتے ہیں اور بڑے بڑے مدبروں کی تدبیریں بے سود ثابت ہوتی ہیں۔ بڑے صاحب کی نظرپھری ایک دنیا پھر جاتی ہے۔